บทที่ 2
พอเมื่อยาบยาบฟ้าฝนหลั่งรินไหลพุ้นเยอ ฟังยินลมไกวกวัดเมฆโผยมดังก้อง หลิงดูอาโปน้ำไหลนองฮำแฝน เดือนแปดขึ้นเพ็งแจ้งส่องใสซิได้คิดกล่าวแก้แปลปั่นความฝัน ของพระยาปัสเสน ที่กราบทูลพระองค์เจ้า พระก็เนาในห้องนอนสาวัตถีเมืองใหญ่ เซตะวันว่าไว้เฮาฮู้สืบมาปางนั้นราชาเจ้าปัสเสนนิทะเหน่ง พระก็ฝันหลากกล้าวเลยสะดุ้งตื่นตน เผิ่นก็คิดเดือดฮ้อนในราชหฤทัย เพราะว่าทรงนิมิตหลากใจเหลือล้น ฉันใด๋เด่ความฝันประหลาดต่าง บ่อเคยเห็นกระส่างพ้องินง้อหลากใจ พระบ่อช้าเฮวฮีบพลันเถิง เชตะวันวิหารบ่อนพระองค์เซายั้ง ไปเถิงแล้วประนมกรก้มขาบนบนอบนิ้วทูลไหว้กล่าวคดี
อั่นว่า ฝันคืนนี้ช่างประหลาดความฝัน อัศจรรย์พิลึกต่างหลังเหลือล้น ขอพระทำนายให้หายคนิงในราช ขอแก่โลกราชเจ้าแถลงข้อสู่ฟังแด่ถ่อน พอแต่ปัสเสนไหว้วันทาถามเหตุ พระองค์จิ่งเทเทศน์ไว้ในพระสูตรนิกาย เผิ่นจิ่งบรรยายชักเหตุมาไขแจ้ง พระแถลงหัวข้อความฝันชี้บอกอั่นว่าศาสนาของเฮาพระพุทธเจ้าภายซ้อยจั่งซิเห็น มันซิเป็นเข็ญข่อนมัวหมองค้อยเหงี่ยงศาสนาเบี่ยงค่อยคอยท่าหากซิเห็นเป็นนำปีเดือนข่อนวันคืนบ่อคือเก่า ศาสนาของเฮาพระพุทธเจ้าเลยซิเข้าเคิ่งกลาง ความฝันนั้นฝันว่างัวเถิกใหญ่ทั้งสี่สีดำ พากันแหล่นถลำมาแต่ทิศทั้งสี่ งัวบ่อมีคนขี่คนจับคนบาย คือซิตำตายเอาสาแท้แท้ แหล่นมาแล้วผัดแหว่ไปคนละทางพระจิ่งเทศนาแก่องค์เป็นเจ้า คั่นว่าศาสนาล่วงเข้าสองพันปลายมันซิเกิดฮ้อนใหญ่ ฝนบ่อฮำเข้ากล้านาซิแห้งไหง่ผง เดือนหกกะซิเป็นเดือนห้าเดือนเมษากะซิเป็นเดือนสี่ มีแต่เมฆขี่ฝ่าซิไหลย้วยผ่านมา มีทั้งเมฆตั้งเค้าคือเหง่าฝนซิตก หน่อยผัดวาโยพัดเมฆหนีหายเสี่ยง เถิงเมื่อยามนาแล้วบ่อมีฝนจักห่า มีแต่ฟ้าตั้งเหง่ามาแล้วก็เหล่าหาย คนทั้งหลายสิพากันตายอึดเข้ากินกลอยนับมื้อหล่า ฝนบ่อฮำเข้ากล้าเมืองบ้านบ่อสุ่มเย็น เป็นนำสังขารข่อนโลกาบ่อคือเก่า คนซิฮึดอยากเข้าเมืองบ้านซิหมุ่นวาย มันซิเกิดโจรและผู่ฮ้ายยาดแย่งชิงของ ไผผู่มีเงินทองซิอยู่ยามจนแจ้ง เป็นที่อัศจรรย์เด่เวหาอากาศ ฝนบ่อย่อยบ่อหยาดฮำไห่ฮำนา พอตั้งแต่ขึ้นมาก็หายหนีวับแวบ คนซิฮึดฮอดแกลบเกือไก่ในฮัง ผิดแต่ครั้งหลังเดิมดาแต่ก่อน นี้แหม่นความอธิบายข้อความฝันข้อหนึ่ง เหมือนดั่งงัวแหล่นหุ่มมาแล้วเหล่าหาย นั่นแหล่ว
ข้อสองนั้นฝันต่างภายหลัง มาเกิดอนิจจังดอกฮักดอกดู่ ตั้งแต่ครั้งอีปู่กะบ่อเคยเห็น กะเหล่ามาช่างเป็นไม้พุ่มมีดอก กกบ่อได้พอศอกพอคืบพอวา เหลี่ยวเบิ่งพวงบุปผาจ่อจึบางจุ้ม บ่ออาจคณนาได้บานจีเป็นหยุ่มสารพัดดอกไม้เป็นปุ้มห่วงหอม ให้คอยซอมไปถ่อนนารีน้อยอ่อน เขาซิเอาผัวเข้าซ้อนนอนกลิ้งกล่อมสอง พอแต่นมพองขึ้นเอาผัวมาเฮียงฮ่วม แล้วซิมีลูกน้อยมาให้จ่องนม อันนี้พระโคดมเข้าสรญาณตรัสส่องแล้วจิ่งแย้มพระโอษฐ์ต้านไขให้สู่ฟัง อายุของเขาก็หากกล้ำล่วงเข้าเถิงเขตสิบปี แล้วซิมีผัวซ้อนนอนนำกลิ้งกล่อม ให้ค่อยซอมเบิ่งถ่อนภายซ้อยศาสน
ข้อสามนั้น ฝันเห็นงัวแม่ง่องขอกินนมลูก ก็บ่อถูกแท้แท้ขอจู้ลูกกิน เมื่อนั้นนรินทร์เจ้าเทศนาไขพระโอษฐ์ ว่าดูราราชเจ้าภายหน้าต่อไป ลูกนั้นเขาซิไลเสียถิ่มสองเขือพ่อแม่ ปละให้สองแจ่มเจ้านอนเฝ้าอยู่เฮียน ลูกนั้นซิบ่อเยื้อนตั้งแต่คำสอน เกิดเป้นคนแสนงอนหากินปลิ้นไปล่เขาซิบ่อเอาใจใส่พ่อแม่มาตา พอแต่ใหย่ขึ้นมาซิเอาผัวมาซ้อน แล้วเหล่าไลลาไว้ตายายพ่อแม่ ปละให้ทุกข์ยากฮ้ายนอนแล้งอยู่เฮือน บ่อมีผู่ซิหาเข้าน้ำตกแต่งแลงายทั้งอาหารการกินกะบ่อมีเสียซ้ำ นับว่ากรรมของเฒ่ายามชรามาฮอด บ่อมีผู่ซิอุปัฏฐากเจ้าสองเฒ่าช่อนแฮง ซิได้ไปขอเข้าอาหารนำลูก บ่อคิดเห็นตั้งแต่พ่อแม่เลี้ยงเพียรให้ใหญ่สูง เหลือแต่พ่อแม่อดสาห์เลี้ยงบ่อมีคุณจักสน่อย ให้ค่อยซอมเบิ่งถ่อนภายซ้อยศาสนาอุปมาคือดั่งงัวแม่ง่องขอกินนมลูก คอยเพิ่งเด๊วคันบ่อถืกจิ่งเว้าเฮานี่เทศนา พระเอย
ข้อสี่นั้น ฝันว่าไปเห็นเขากุมเอางัวน้อยเทียมไถลากแก่ งัวกะบ่อเคยแท้แท้จำให้แก่ไถ แนวงัวคันบ่อทันเคยใช้มันซิไปบ่อถืกฮ่อง แหม่นซิจ่องเชือกไว้ดึงได้กะบ่อฟัง ข้อนี้อุปมาคือดั่งการเมืองยุ่งแสนทวีแคลนยากมีแต่เด็กหนุ่มน้อยคอยสร้างแต่งเมือง มีแต่ทางซิเกิดเดือดฮ้อนยาดแย่งชิงกันต่างคนกะต่างดันบ่อถืกครองธรรมเจ้า หน่อยกะคลองเมืองเศร้าบ่อทำตามฮึดเก่า เลยเหล่าปละฮึดเค้าคลองเฒ่าแต่ประถม มีแต่คิดโลภล้นบ่อถือฮึดคลองธรรม ถือแต่ความโลภเข้าใส่โตหมายได้ มันจิ่งเลยทำให้การเมืองหมองหม่น ทำให้เป็นเหตุฮ้อนเมืองบ้านหมุ่นวาย คือดั่งเอางัวน้อยเทียมไถลากแก่ งัวบ่อเคยแท้แท้ซิพาเจ้าแหล่นหนี พอดีไปตำไม้ตำตอก้นขี้ถั่ง กะเลยหนั่งจ้อจ้อลงม่อเหมื่อยมโน
ข้อห้านั้น พระยาใหญ่ปัสเสน ฝันเห็นอาชาไนย์ม้าโตเดียวมีสองปาก ส่วนว่าดากก้นขี้มีแท้ปล่องเดียว ปากหนึ่งเคี้ยวกลืนกินหญ้าอ่อนปากหนึ่งซ้อนเสี่ยงไว้กินหญ้าบ่อให้เห็น ข้อนี้กลัวแต่เป็นเข็ญข่อนประชากรพวกไพร่พระยาเอย เหตุว่านายผู่ใหญ่โลภเลี้ยวส
FOR DOWNLOAD DOC FILE GO HERE =
simabin.com/%E0%B8%9A%E0%B8%97%E0%B8%97+2+%E0%B8%9E%E0%B8%AD%E0%B9%80%E0%B8%A1+%E0%B8%AD%E0%B8%A2%E0%B8%B2%E0%B8%9A%E0%B8%A2%E0%B8%B2%E0%B8%9A%E0%B8%9F+%E0%B8%B2%E0%B8%9D%E0%B8%99%E0%B8%AB%E0%B8%A5+%E0%B8%87%E0%B8%A3+%E0%B8%99%E0%B9%84%E0%B8%AB%E0%B8%A5%E0%B8%9E+%E0%B8%99%E0%B9%80%E0%B8%A2%E0%B8%AD+%E0%B8%9F+%E0%B8%87%E0%B8%A2+%E0%B8%99%E0%B8%A5%E0%B8%A1%E0%B9%84%E0%B8%81%E0%B8%A7%E0%B8%81%E0%B8%A7+%E0%B8%94%E0%B9%80%E0%B8%A1%E0%B8%86%E0%B9%82%E0%B8%9C%E0%B8%A2%E0%B8%A1%E0%B8%94+%E0%B8%87%E0%B8%81+%E0%B8%AD%E0%B8%87+%E0%B8%AB%E0%B8%A5+%E0%B8%87%E0%B8%94+%E0%B8%AD%E0%B8%B2%E0%B9%82%E0%B8%9B%E0%B8%99+%E0%B8%B3%E0%B9%84%E0%B8%AB%E0%B8%A5%E0%B8%99%E0%B8%AD%E0%B8%87%E0%B8%AE%E0%B8%B3%E0%B9%81%E0%B8%9D%E0%B8%99+%E0%B9%80%E0%B8%94+%E0%B8%AD/artice/4405/691475306/0
هیچ نظری موجود نیست:
ارسال یک نظر